Falsaður passi.

Ég drakk ekki og þú hraust ekki!

2006-07-02T19:28:00.000Z

Það var ekkert smá gaman á ólafsvík á föstudagskvöldið.. Það byrjaði þannig hjá mér allavega, að ég og pabbi lögðum í hann á húsbílnum(sem amma og afi eiga) við keyrðum beinustu leið en fyrst fórum við í búð og keyptum nammi og snakk og þannig gumms. Síðan komum við á ólafsvík eftir langa keyrslu á 80-85. Þar var mikið líf og endalaust af tjöldum og húsbílum. Við tókum okkur bessaleyfi og lögðum tröllinu á bílastæði sundmiðstöðvarinnar. eða það var allavega við sundmiðstöðina. svo röltum við niður í bæ. Ég með gsm-símann minn og svo fékk ég hringinu í símann hans pabba því ogvodafone var eitthvað að skíta á sig.. Það var helga og voru þær skjátur komnar á svæðið. ég skildi þá við pabba og fór að leita að pjöllunum.
Við fórum síðan allar saman og fórum að dansa við bryggjuna/briggjuna, en vorum samt eiginlega allan tímann á tjaldsvæðinu, og inni í bílalegubíl. sem var bara helvíti fínt. Ég ásamt öðrum svaf ekkert(nánast ekkert) föstudagsnóttina. vegna ýmissa uppákomna. Smokkar, hrotur, stunur, hausar í tjald, sængin mín var vígð(ojj) en þetta átti sér allt stað í tjaldinu hennar Helgu Lindar, en hana var samt hvergi að finna.. En svo kom að því að maður háttaði sig og fór uppí rúm.. Það var ansi þröngt á þingi en hver segir að það sé eitthvað verra. Það var bara gaman..

Hópmynd sem mistókst. en það sem mistekst aldrei,, eru gretturnar mínar!

Á laugardaginn tókum við svo saman og héldum á arnarstapa þar sem amma hennar Þóru á heilsárshús(svona heilgert sumarhús) En við(ég bríet og þóra) reyndum að leggja okkur sem gekk brösulega en ég náði samt að dotta smá. svo komu piltarnir sem stóðust ekki boðið um að koma og grilla með okku, þó svo að íris hefði grátbeðið þá um að vera ekkert að koma. eða hún gerði það óbeint, ,,þrufiði ekki að fara að drífa ykkur að hlára þennan hring?" haha. en henni snérist hugur þegar leið á kvöldið. Veðrið var æðislegt, sól og og logn fram eftir kvöldi.. Það var sett upp trampólínið og grillað lambakjöt sem var b.t.w. ofan í heilan her, skil ekki alveg hvað þær voru að hugsa þegar þær voru að versla í matinn. Þegar matnum lauk þá lékum við okkur í góða veðrinu, fórum meðal annars í frispí, á trampólínið sem var algjör snilld og svo fóru allir frekar snemma í háttinn, allir orðnir þreyttir og þyrstir í svefn nema ónefndir aðilar. Hahahahaaaa... ..En þau sofnuðu þó að lokum, eftir hvað á ég að segja, HÖRÐ átök.

Stúlkurnar!

Og svona að lokum, hópmynd. ATH. Írisi Stefaníu Neri Gylfadóttur vantar á myndina, en hún er að taka myndina.

En ég skemmti mér alveg rosalega vel. Og takk fyrir frábæra helgi!

Klamundcompany-lifðu lífinu!

Við erum að leggja í víkina hans Úlafs..

2006-06-30T14:17:00.000Z

á landnámsöld sóttu margir menn að landinu okkar. Þeir komu flestir frá evrópu en ég veit samt ekki hvaðan því ég er einstaklega slök í landafræði. En einn þessara manna hét Úlaf. ein og í lemony snicket, count Olaf, mér fannst það alveg sérstaklega skondið. En aftur til landnámsaldar. Þá kom hann Úlaf, eflaust forfaðir fjölda íslendinga, að vík sem hann skírði í höfuðið á sjálfum sér, eða Úlafsvík og síðan með tímanum hefur víkin formast í ólafsvík.. En ástæðan fyrir því að ég sé að tala um einhvern mann og einhverja vík sem ég hef ekki hugmynd um er sú að við klamundklíkan eins og ég kýs að kalla okkur erum að fara á ólafsvík núna í kvöld og ætlum að tjalda og hafa þrusu gaman og Kósý, þó að ég hef aldrei fílað það að vera í tjaldi, svo að ég verð bara að láta mig hafa það, og auðvitað geri ég það.. Vona að það verði gott veður. býst nú samt ekki við því, sennilega verður rigning en maður vonar samt alltaf það besta.

Count Olaf.

Name: Count Olaf.

Age: Old enough to know better.

Occupation: Actor/Murderer.

Distinguishing Characteristics: One eyebrow, tattoo of an eye on his ankle.

Favorite Hobby: Snatching fortunes away from small children.

Favorite Book: How I Snatched The Baudelaire Fortune, by Count Olaf (still being written) Least Favorite Color: Anything clean.

Least Favorite Food: Anything he had to buy and cook himself.

Fond Hope: To increase his personal fortune, preferably at the expense of others.

Skemmtið ykkur vel um helgina. bæ

Salvo!

2006-06-23T19:26:00.000Z

Ég fékk þrusu lit eftir eina sólskynslríka bláalónsferð og er loksins farin að líta sumarið á Íslandi bjartari augum. En já ég er búin að fá fleirri upplýsingar um fjölskylduna mína og myndir og svona sem gerir mann bara ennþá spenntari.

Annars er fátt að gerast. eiginlega ekkert. nema kannski það að ég er að fara að þrífa allan eftirmiðdag morgundagsins og sennilega líka eitthvað á sunnudaginn og svo er maður að fara á ljósmyndafyrirlestur/námskeið á mánudagskvöldið og ég er agalega spennt fyrir því...

ciao

SJÆSEN..

2006-06-21T13:15:00.000Z

Í gær fékk ég póst frá fósturbróður mínum á Ítalíu. Og ég hélt ég mundi springa. hehe. en hann sagði allt af því létta. Hann verður reyndar ekki á Ítalíu á meðan dvölinni minni stendur vegna þess að hann er að fara til dóminíska líðveldisins(held ég). Hann sagði líka að bærinn sinn væri frábær en mjög lítill samt (690 manns) og hann vonaði að mér mundi líka hann.. Svo sagði hann að mamma sín væri búin að senda mér bréf svoa ð það er sennilega bara réttókomið, vonandi kemur það fljótlega.

Það styttist í þetta með hverjum deginum, en núna er mig farið að hlakka mjög mikið til að fara til Danmerkur eftir rúmar 5 vikur. Það verður örugglega æði pæði. Ætla að versla mér svolítið af fötum og lyggja í sólbaði og svona. jeh..

Ákvað að skella þessari mynd inn, þetta er af Silvíu Nætur atriðinu á þemadögum minnir mig. hún er góð. og þetat var svakalegt fjör hehe :D:D

Gullfoss og Geysir

2006-06-17T18:13:00.000Z

Í dag fór ég á Gullfoss og Geysir ásamt fjórum ferðafélögum, þeim pabba, bróðir hans pabba(sigga) syni hans (Hallmanni) og norskum skiptinema sem heitir Anne. Bróðir pabba er nefnilega svona vikufósturforeldri, en hún Anne býr á Ísafirði á bóndabæ. fjörugt nok. Allavega, þetta var mjög skemmtileg og fróðleg ferð, fór samt þangað í þeim eina tilgangi til þess að taka myndir fyrir fósturfjölskylduna á Ítalíu, en akkurat það er það eina sem ég hugsa um þessa dagana!

Við fórum fyrst á Geysi og hérna koma nokkrar myndir af því.

Lítil spræna svona í lokin á Geysismyndum.

Svo fórum við og skoðuðum Gullfoss.

Jæja þá er það komið í bili!

ciao cara.

Bláa lónið.Kísill.Gufa

2006-06-15T00:33:00.000Z

Þá er allt að gerast. Skrifaði bréf til fósturfjölskyldunnar í gær. Skrifaði það á ítölsku, mér fannst það mjög mikilvægt, að sýna það hversu áhugasöm ég væri um að læra málið. En mamma hennar Írisar hjálpaði mér að skrifa það og síðan fékk ég líka smá ítölsku kennslu í leiðinni. Ég vona að ég fari að heyra frá þeim bráðleg, er alveg að deyja ég er orðin svo spennt. og mér finnst svo ósangjarnt að sumir fá að fara svo snemma, ein sem ég kynntist ( kærastan hans Júlla bróðir hennar sigrúnar, lítill heimur, hehehe) hún fer 20 júlí, ekkert smá heppin, en við sem förum til ítalíu og spánar(held engir fleirri) förum ekki fyrr en 8 september.

En í dag fórum við í ferð með afs. Það mættu nú ansi fáir á miða við það hversu margir skiptinemar eru að fara út, en við vorum í kringum 12 manns, og þar af voru skiptinemar sem komu til íslands. Við fórum í bláa lónið og það var bara mjög fínt, og mér sem fannst alltaf svo leiðinlegt í bláa lóninu, ég fílaði það bara fínt núna, setja á sig kísil fara í gufu og framveigis. Síðan þegar við vorum búin að fara í sturtu skelltum við okkur upp í rútu og héldum á hróa hött á hringbraut í vesturbænum (held ég að sé rétt). Og namminamminamm. pítsurnar á hróa eru ekkert smá góðar, reyndar ekki eins góðar og á the deli en samt alveg geggjaðar. En þetta var mjög skemmtilegur dagur, og síðan voru einhverjir skiptinemar að skipuleggja útileigu í sumar (er reyndar ekki hlynt því að fara í útileigu en ég læt mig nú held ég bara hafa það). Ég vona allavegana að eitthvað verði gert, því þetta er svo skemmtilegt.

En nóg í bili. Ciao cara!

Fullmönnuð og fín.

2006-06-13T10:26:00.000Z

jæja þá er ég komin með allar upplýsingar um fjölskylduna mína, at last. en hún saman stendur af fjórum meðlimum, Pabbanum sem er verkamaður og heitir Antonio Mömmunni sem heitir Vitalia. Síðan á ég tvo bræður sá eldri er fæddur 84 og heitir Fabio ( það er findið) Og sá yngri er fæddur 89 og heitir Andrea. öll eru þau svo Martis. En eins og nokkrir vita þá verð ég á eyjunni Sardinia og í pínu litlum bæ sem heitir Escolca en í honum eru 695 íbúar sem er bara töff. Það eru bara rúmlega 75 km á strendur sinhvoru megin við eyjuna og það er heitt þarna mest allt árið (held ég). Ég er að fara að skrifa þeim bréf í dag, veit nú samt ekkert hvað ég gæti hugsanlega sagt, en Íris(Ítalinn) ætlar að hjálpa mér að þýða bréfið á Ítölsku. Oh, mig hlakkar ekkert smá til að fara núna. Jii.. en ég er farin.

Ciao cara

Húsið.

2006-06-12T11:05:00.000Z

Ýmindun eða raunveruleiki? [vinsamlegast leiðréttið stafs.villur.]
04. júní 2006 klukkan 18:12
Eins og margir (sem þekkja mig) vita, þá hef ég afskaplega mikinn áhuga á ljósmyndun. Í dag ákvað ég að skella mér út til að taka myndir af náttúrunni fyrir verðandi fósturfjölskylduna mína á Ítalíu. Vegna þess að það er gífurlega vinsætl að gefa myndamöppu. allavega. þá fór ég þarna rétthjá paint ball, eða á milli paint ball og álversins, en þar eru mörg gömul hús út um allt. ýmis brotin eða rifin. Ég ákvað að byrja á einu húsi sem var að hruni komið, var dálítið smeik þarna, frekar draugalegt, eða kannski er ég bara búin að horfa á of margar draugamyndir og ýmindunin í hámarki, hver veit. Það brakaði vel í húsinu, sennilega útaf vindinum, en samt var ekki svo hvasst. Ég tók nokkrar myndir af húsinu og inni í því þó svo að ég hafi verið svolítið smeik, þá reif ég hörkuna upp í mér og lauk þessu af með stæl.Síðan kem ég heim og set myndirnar inn í tölvuna. Myndirnar ágætar og ég bara eitthvað að spjalla við Írisi á msn þegar allt í einu. púff. þá rek ég augun í konu á einni myndinni sem er inni í húsinu, eða hvort hún sé hinumegin við húsið. ég veit það ekki.

Þið sjáið myndina kannski ekki eins vel og ég en þetta er hún og ef þið kíkið inn um gluggann og út um hinn þá sjáið þið móta fyrir manneskju. Ef ég er að sjá rétt þá var í rauninni draugur þarna, og þá hefur þessi hræðsla í mér ekki verið nein ýmindun. hvað veit ég. Ætli þetta sé unga konan sem lést í þessu húsi fyrir mörgum árum síðan. hvað vitið þið. Enginn veit.Þegar ég fór síðan að pæla meira í þessu. fór að hugsa. þetta er bara spíta sem stendur svona út úr glugganum, þá áttaði ég mig allt í einu á einu, að ég hafði tekið mynd af húsinu líka frá hinni hliðinni og þar er engin spíta.

bara hreinn og beinn glugginn.Þarna hafið þið það. hugsið ykkur síðan vel um.Var þetta bara ýmindun í mér eða var einhver þarna með mér ?

Nýtt og (vonandi) betra blogg

2006-06-08T14:22:00.000Z

Ég er búin að fá mér nýtt blogg. Eða réttara sagt er ég búin að færa mig yfir á nýtt blogg svæði, einfaldlega vegna þess að hitt blogg svæðið, bloggar.is var ekkert mjög gott. Það sýndi aldrei myndirnar sem ég setti inn og þar fram eftir götunum, en ég vona að þetta blogg sé betra og geti sýnt myndirnar mynar öllum sem langar að skoða.